PAMLOMO-SAUTI YA JAMII

Na Mwandishi Wetu Kwa wale ndugu zangu hasa wa kuajiriwa na watu binafsi au na mashirika yasiyo ya serikali kama vile ya kidini na mengineyo hii inaweza kuwa imekutokea au umeishuhudia mwajiriwa mwenzio akitendewa. Suala la upendeleo makazini si suala geni sana kwa asasi zisizo za kiserikali, upendeleo huu ambao mabosi huwafanyia baadhi ya watu fulani katika kampuni au shirika, kwa matakwa yao, kujipendekeza au kwa vigezo vingine visivyo vya maana. Watu hao wachache hupewa nafasi hizo za upendeleo kuliko wengine. Nafasi hizo ni katika nyanja mbalimbali mfano, vipaumbele katika elimu na mafunzo mbalimbali, safari zenye posho, ruhusa pindi wana-pohitaji, upendeleo katika mishahara na mengineyo mengi ili kuwafurahisha watu hao makazini. Kwa kawaida hali hii huwanufaisha sana watu hawa wachache ambao ni pendeleo la mwajiri (nyota ya bosi) kwani, vipaumbele hivyo huwa na manufaa sana kwao, lakini hali hiyo huwa kinyume kwa waajiriwa wengine pindi wanapobaini kuwa kuna ubaguzi wa namn...