Mwakilishi wa ubalozi wa marekani David Feldmann akihutubia mamia ya wakazi wa vijiji vya tarafa ya Pawaga wakati sherehe ya kufunga mafunzo ya mradi wa kuwawezesha akina katika kilimo kupitia asasi ya mpango salama wa maendeleo ya vijana (SYDS) kwa ufadhili ya watu wa marekani. Alisema kuwa kilimo bora ni kile chenye kuleta tija na mafanikio.
Jumla ya vikundi 43 vya
wajasiliamali ambao ni sawasawa na wanawake na vijana zaidi ya 300 wa tarafa ya Pawaga wilayani Iringa, mkoa wa Iringa
wamenufaika na mafunzo ya kuwezesha akina mama katika kilimo kutoka SYDS.
Mafunzo hayo yaliendeshwa
na asasi isiyo ya kiserikali ya mpango salama wa maendeleo ya vijana (SYDS) kwa
ufadhili wa serikali ya marekani kupitia ubalozi wake nchini Tanzania.
Akizungumza na waandishi
wa habari wakati sherehe ya kufunga mradi huo wa mrejesho kwa vikundi, meneja
mahusiano wa SYDS, Arnold Pangani alisema SYDS imejitoa kuendeleza mapambano dhidi ya changamoto zinazowakabili
wengi wa akina mama katika sekta kilimo nchini.
Alisema kuwa SYDS
ilienda mbali zaidi na kubaini kuwa sehemu kubwa ya wanawake wamekuwa
wakijishughulisha na katika kilimo huku
wakikabiliana na changamoto lukuki kiasi cha kutofanyikwa kwa kiwango stahiki.
Alisema kuwa kilimo bora
ni kile chenye kuleta tija na mafanikio na kuongeza kuwa ni jukumu la kila
mwananchi wa Pawaga kuhakikisha anashiriki kikamilifu katika kuinua na kukuza uchumi wa familia kwa kufuata mpango salama wa kilimo bora bila
kujali tofauti ya kijinsia.
“SDYS kwa udhamini wa
serikali ya Marekani kupitia ubalozi wake nchini Tanzania tunaungana kwa pamoja
na wananchi wa Pawaga zaidi tukitambua ushiriki wa wanawake katika kilimo,”
alisema Panagani.
Aidha, wanavikundi
walitoa shukrani ya dhati kwa SDYS kwa kuwapatia mwongozo bora ambao umewawezesha
kupata uelewa juu ya elimu ya mpango biashara na uendashaji vikundi.
Walisema kuwa kuja kwa
asasi ya SDYS kumeweza kuhamasika na kuunda vikundi ambavyo vitasaidia katika
shughulu za kilimo.
Walisema kwa mafunzo
hayo kama vijana wametambua umuhimu wao kama vijana ni nguvu kazi na wanatakiwa
kushiriki shughuli za maendeleo na
kujifunza zaidi juu ya mpango salama kwa maendeleo ya vijana.
Kwa upande wake
mwakilishi wa ubalozi wa marekani nchini Tanzania, David S. Feldmann alisema
Tanzania itajengwa na watazania wenyewe na marekani itajengwa na wamarekani.
Alisema kuwa matatizo ya
watanzania hayawezi kumalizwa na marekani isipokuwa katika uwezekaji ndiyo
suluhisho matatizo yote.
Alisema ni jukumu kwa
kila mwananchi kuhakikisha anashiriki kikamilifu katika kuinua na kukuza
uchumi.
Alisema watanzania
lazima walipe kodi kwa serikali iliwaweze kupatiwa huduma stahiki kutoa kwa
serikali kama ilivyo marekani.
Alisema kuwa asilimia 90
ya serikali ya marekani inaendeshwa kwa mapato ya ndani kwa vile wananchi wengi
wanalipa kodi kwa serikali bila kutegemea misaada ya nje.
Comments