Mwakilishi wa Balozi wa Finland nchini Tanzania, Mikko Leppanen na Naibu wa Waziri wa Maliasili na Utalii, Mahmoud Mgimwa (MB) wakizindua rasmi kwa pamoja programu ya panda miti kiabiashara mjini Njombe. (Picha na Friday Simbaya)
Na
Friday Simbaya, NJOMBE
Mwakilishi
wa Balozi wa Finland nchini Tanzania, Mikko Leppanen aliwatoa wasiwasi wananchi
wanaoishi karibu na maeneo ya kupanda miti katika nyanda za juu kusini kutoogopa
kuhusu kupoteza ardhi yao ya kilimo kwa kupanda miti.
Alisema
kuwa kuna haja ya kuwaelimisha wananchi juu ya faida za misitu ili waweze kuondokana
na hofu juu ya kupoteza ardhi yao ya
kilimo kwa kupanda miti katika Nyanda za juu kusini.
Leppanen
alitoa kauli hiyo Alhamisi wiki iliyopita wakati wa uzinduzi rasmi wa program ya
panda miti kibiashara (PFP) uliyofanyika mkoani Njombe.
Alisema
kuwa Tanzania ina maeneo mengi yanayofaa kwa kuanzisha mashamba makubwa ya
misitu ikilinganishwa na Finland lakini kinachohitajika ni kuhamasisha watu
kuanzisha mashamba ya misitu zaidi.
Alisema
kuwa Tanzania ina sera nzuri ya misitu ya taifa ya mwaka 1998, lakini
kinachohitaji ni kuboresha matumizi ya bora ya ardhi vijijini kama msingi wakusaidia
kupunguza migogoro ya ardhi nchini.
Alisema
Tanzania ina idadi nzuri ya wakulima wa miti ikilinganishwa na Finland lakini
changamoto kubwa ni mpango hafifu wa matumizi bora ya ardhi.
"Kama mashamba ya misitu yatatumika
vizuri yatasaidia kupunguza umaskini na kuboresha maisha yao, alisema."
Programu
ya panda miti kibiashara inatekelezwa kwa pamoja na serikali ya Finland kupitia
wizara ya mambo ya nje na serikali ya Tanzania kupitia wizara ya maliasili na
utalii ambao inatekelezwa katika mikoa ya Iringa, Njombe na Morogoro.
Kwa
upande wake, Naibu Waziri wa Maliasili na Utalii, Mahmoud Mgimwa (MB) ambaye
alikuwa mgeni rasmi wakati wa uzinduzi rasmi program ya PFP, alisema kuwa
serikali ya Finland inatoa mchango mkubwa katika kuendeleza misitu ya asili
iliyoko katika milima ya Usambara Mashariki.
Alisema
kuwa serikali ya Finland ilifadhili uundaji upya wa sera ya taifa ya misitu ya mwaka
1998, sheria ya misitu na program ya taifa ya misitu na nyuki.
“Kweli,
tangu wakati huo hadi sasa serikali ya Finland inashirikiana na serikali ya Tanzania
katika kutekeleza kwa dhati programu ya taifa ya misitu,” alisema.
Alisema
kuwa Finland imekuwa mstari wa mbele kusaidia Tanzania katika programu
mbalimbali lakini hasa katika misitu.
Alisema
kuwa serikali ya Tanzania na ile ya Finland kwa pamoja wanatekeleza program ya
upandaji wa miti kibiashara katika
Nyanda za Juu Kusini hasa katika mikoa ya Njombe, Iringa na wilaya ya Kilombero
mkoani Morogoro kwa sababu watu katika maeneo hayo wana moyo wa kupanda miti
tayari.
Hata hivyo,
alisema kuwa pamoja kuwepo mafanikio katika upandaji miti katika maeneo ya
nyanda za juu kusini, changamoto kubwa ni baadhi ya wananchi kuvuna miti yao
kabla ya kufikia umri sahihi wa kuvunwa.
“Huo
sio upandaji kibiashara. Nawaasa wananchi kuacha kabisa kufanya hivyo maana ni
hasara kwao na hasara kwa mtumiaji wa mbao husika,” alisema naibu waziri
maliasili na utalii.
Mkurugenzi
wa Programu ya Panda Miti kibiashara (PFP) Dkt. Maria Tham alisema kuna haja ya
kuboresha utendaji wa kuchunga, kuvuna na kupanda misitu katika nchi ili
kufanya hivyo kwa faida vizazi vijavyo.
Alisema
kuwa uzalishaji misitu ni biashara ya kimataifa na Tanzania itanufaika na biashara kutokana na utulivu wa
kisiasa pamoja na kuwa maeneo mazuri kupanda miti.
Alisema
kuwa program ya PFP inalenga katika kuongeza kipato vijijini katika maeneo ya
nyanda za juu Kusini baadaye kusababisha kupungua kwa umaskini na kukosekana
kwa usawa.
Kwa
upande wake, Mkuu wa Wilaya ya Njombe, Sara Dumba ambaye alikuwa kaimu Mkuu wa
Mkoa, alisema Njombe amepanda miche milioni 43 mwaka jana na kushukuru program ya
PFP mpango kwa kusaidia kuongeza kasi ya upandaji katika wilaya yake na mkoa
kwa ujumla.
Alisema
kuwa kabla ya kuja kwa mpango huu katika wilaya yake ilikuwa inakabiliwa na
changamoto ya ukosefu wa utaalamu, lakini kwa vileprogramu ya PFP umefika na
tatizo litatatuliwa.
Alisema
changamoto nyingine ni tatizo la moto na miti kuvuna mapema kabla ya kukomaa lakini PFP itawawezesha
wananchi kuweza kufanya shughuli zingine za kiuchumi wakati wakisubiri miti
kukomaa.
"Wakulima
mti lazima wa hakikisha kwamba wanatengeneza njia kuzunguka mashamba yao ya
miti dhidi ya moto kama njia mojawapo ya kupambana dhidi ya moto katika
misitu," alisema.
Alitoa
wito kwa wakulima wa miti na wadau wengine katika Mkoa wa Njombe na maeneo
mengine kujiunga na vyama vya wakulima wa miti (TGAs) ili serikali iwawezesha
Pia,
alitoa wito kwa wananchi kupanda miti kwa wengi iwezekanavyo na kwa ufanisi
hivyo kupunguza umaskini wa kipato.
Comments