 |
| Waziri William Lukuvi akitoa tuzo kwa mmoja wa wakilishi wa taasisi zilizoshirikia maadhimisho ya siku ya walemavu duniani |
 |
| John Ndumbaro naye akipokea tuzo kwa niaba ya wenzake |
 |
| Akifurahia tuzo |
 |
| Mtoto huyu alipokea tuzo na akalambishwa elfu kumi |
 |
| Amina Molel alipokuwa akizungumzia changamoto za walemavu |
 |
| Makada wa CCM nao walikuwepo |
 |
| Nyagawa wa Maendeleo ya Jamii Mkoa wa Iringa naye alipata tuzo |
 |
| Wakati wakishukuru |
 |
| Baadhi ya wanafunzi wenye ulemavu walioshiriki maadhimisho hayo |
 |
| Wengi walikuwepo |
 |
| Wanafunzi |
 |
| Kukawa pia na budurani ya mpira wa miguu |
 |
| Baadhi ya viongozi waliookuwepo wakifuatilia kilichokuwa kikiendelea |
WAZIRI
Mkuu, Mizengo Pinda amewaahidi walemavu kuwaondolea vikwazo vinavyowakabili katika
suala zima la teknolojia ili waweze kushiriki ipasavyo kwenye masuala
mbalimbali ya maendeleo ya uchumi na kijaamii.
Pinda
aliyasema hayo kwenye kilele cha maadhimisho ya siku ya watu wenye ulemavu
duniani ambayo kitaifa yalifanyika katika viwanja vya Kichangani, mjini Iringa,
jana.
Katika
hotuba yake iliyosomwa kwa niaba yake na Waziri wa Nchi Ofisi ya Waziri Mkuu
(Sera), William Lukuvi, Pinda alisema; “hapa Tanzania ustawi na maslai ya watu
wenye ulemavu ndio sera ya serikali yetu kwa miaka mingi.”
Alisema
kwa kupitia sheria ya watu wenye ulemavu ya mwaka 2010, serikali imeweka
miongozo ya namna ya kutekeleza na kutoa huduma kwa watu wenye ulemavu.
“Kwahiyo
niwaahidi kwamba yapo mambo mengi ambayo serikali imefanya kwa kundi hilo na
yako mengi tunayoendelea kuyafanya kwa ajili ya ustawi wao,” alisema.
Katika
risala yao iliyosomwa na Makamu Mwenyekiti wa Shirikisho la Vyama vya Watu
Wenye Ulemavu Tanzania (SHIVYAWATA), Amina Molel, jumuiya hiyo iliomba sheria
ya haki za watu wenye ulemavu ya mwaka 2010 ifanyiwe marekebisho ili kuweza
kulipa baraza la taifa la watu wenye ulemavu meno.
“Baraza
linataka kuratibu, kusimamia na kutekeleza masuala yetu likiwa chombo huru
badala ya kuwa chombo cha ushauri tu chini ya utendaji wa kamishna wa Idara ya
Ustawi wa Jamii ambaye kwa nafasi yake ana majukumu mengi,” Molel alisema.
Molel
alisema walemavu bado wanakabiliwa na changamoto nyingi lakini akazitaja sita alizosema
zinahotaji kuchukuliwa hatua za haraka.
Kwa
mujibu wa Molel, changamoto hizo ni pamoja na kutopatikana kwa taarifa muhimu
katika mifumo iliyo rafiki kwa watu wenye ulemavu.
“Mfano
ni kutokuwepo kwa ukalimani wa lugha ya alama kwenye vipindi vya luninga,
mijadala ya vikao vya bunge na hotuba za viongozi mbalimbali,” alisema.
Alizitaja
changamoto nyingine kuwa ni pamoja na vyombo vya usafiri vya umma na majengo yanayotoa
huduma kwa umma kutozingatia mahitaji ya watu wenye ulemavu, ruzuku ndogo kwa
vyama vya watu wenye ulemavu ambayo kwa miaka mingi hajatolewa na kukosekana
kwa uwakilishi katika vyombo vingi vya maamuzi na kisera.
Zingine
ni kukosekana kwa ofisi ya kudumu ya shirikisho la vyama vya watu wenye ulemavu
na kucheleweshwa utoaji ardhi huko Kibaha Pwani kwa lengo la kujenga chuo cha
madereva na ufundi kwa watu wenye ulemavu.
Akiomba
serikali izifanyie kazi changamoto hizo, Molel alitoa ombi kwa serikali iwapatie
ofisi ya kudumu ya shirikisho lao ili kuepuka madhara yanayoweza kutokea pindi
wafadhili wan je watakapositisha ufadhili wa pango la ofisi.
“Pia
tunaomba ofisi za mikoa kupitia TAMISEMI wazipatie ofisi kamati zote za mikoa
za SHIVYAWATA ili kuwezesha uratibu wa pamoja wa masuala yetu kwenye mikoa
husika,” alisema katika maadhimisho hayo yaliyohudhuriwa na viongozi mbalimbali
wa serikali, vyama vya siasa na wawakilishi wa walemavu kutoka mikoa yote
nchini.
Maadhimisho
ya siku ya watu wenye ulemavu duniani ni moja ya jitihada za jumuiya ya
kimataifa katika kuelimisha jamii kuhusu hali waliyonayo watu wenye ulemavu. (bongoleaks)
Comments