Aliyekuwa mfanyakazi wa Kiwanda cha FibreBoards 2000 Ltd Arusha, Tawi la Mafinga Jane Paschal Nziku (19) akionesha mkono wake wa kulia uliokatwa vidole vinne na kubakia na kidole gumba. Aliyemshika mkono ni kaka yake Omary Mbilinyi. (PICHA NA FRIDAY SIMBAYA)
KIWANDA cha Fibre Boards 2000
Ltd cha Arusha, Tawi la Mafinga kunadaiwa fidia na mfanyakazi wake ambaye
alipata ajali akiwa kazini ambapo katika ajali hiyo alipoteza vidole vinne vya
mkono wa kulia na kubakia na kidole gumba.
Mfanyakazi huyo, Jane
Paschal Nziku (19) pichani mwenye elimu ya kidato cha nne na mkazi wa Mafinga alipata
ajali ya kazini tarehe 24.12.2014 katika kiwanda kinachomilikiwa na Darshan
Singh kilichopo mjini Mafinga wilayani Mufindi, mkoani Iringa.
Kiwanda hicho ambacho
makao makuu yake hapo Arusha, kipo maeneo ya Kinyanambo C, Mafinga kinatengeneza
singebodi (ceiling boards), kinadaiwa kutomlipa mfanyakazi wake huyo aliyekatwa
vidole vyake vinne na mashine katika mkono wa kulia na kubakia na kidole gumba.
Kwa mujibu wa Mwanasheria
wa Makesi ya wafanyakazi kuanzia Usuruwishi (CMA) hadi Mahakama Kuu Kitengo cha
Kazi, Ignas Charaji alisema kuwa kisheria mfanyakazi akiumia akiwa kazini
mwajiri anatakiwa kutoa taarifa ya ajali ndani ya siku saba (7) tokea ajali itokee
katika ofisi ya kazi ya sehemu hiyo.
“Kwa mujibu wa sheria iitwayo
Notification Ordinance ya 1952 na marekebisho yake ya 2008 iitwayo The Workers
Compensation Act No. 20 of 2008, ambaye inamtaka mwajiri kutoa taarifa ya ajali
ndani ya siku saba tokea ajali itokee ya mfanayakazi,” alifafanua mwanasheria
huyo.
Charaji ambaye pia ni Katibu
Mkuu wa mikoa ya Iringa na Njombe wa Chama cha kutetea masilahi za wafanyakzi
viwandani (TUICO) alisema kwa bahati mbaya mwajiri huyu hakutoa taarifa,
isipokuwa mfanyakzi mwenyewe ndiye aliyelazimika kwenda kumuona afisa wa kazi.
Alisema kuwa afisa wa kazi
tarehe 29/05/2015 alimjazia mfanyakazi huyo fomu LD1 335 na fomu nyingine
kutoka kwa dakatri aliyetimbu mfanyakazi ambaye anajua aliumia kiasi cha
asilimia gani katika ajali.
Mfanyakazi huyo alipelekwa
kutibiwa katika zahanati ya mtu binafsi ya Tumaini Dispensary na hatimaye kuhamishia
katika hospitali ya Wilaya ya Mafinga.
Nipashe jana ilifunga
safari kwenda kuonana na Mkurugenzi wa Kiwanda hicho, Darshan Singh ilikupata
ukweli wa mambo na kubaini kwamba mfanyakazi huyu (Jane Paschal Nziku) hayupo kazini
na bado hajalipwa fidia (compensation) ya kuumia kazini.
Mkurugenzi huyu alikanusha
madai hayo ya kumfukuza kazi mfanyakazi huyo na kusema kuwa hajafukuzwa kazi na
anatakiwa kurudi kazini baada ya kupona, lakini hadi sasa hajarudi kazini.
Alisema kuwa kampuni yake
iligharamia matibabu yake baada ya kuumia kazini na wanasubiri kujua fidia ni
kiasi gani anatakiwa kulipwa kutoka kwa mamlaka husika.
“Madai ya malipo kwa ajili
ya fidia yamepelekwa Fibre Boards makao makuu Arusha, hivyo mfanyakazi huyo
atalipwa fidia yake,” alisema mkurugenzi huyo.
Kwa upande wake, Afisa wa
Kazi Mafinga akiongea na Nipashe kwa
njia ya simu amekiri kuwepo kwa taarifa ya aliyekuwa mfanyakazi Jane Nziku
ambaye alikuwa anafanyakazi katika kampuni ya Fibre Boards, Tawi la Mafinga.
Alisema kuwa ofisi yake
ilipata taarifa kuhusu kuumia kwa mfanyakazi huyo na mkushauri mkurugenzi wa
kampuni hiyo ya FiberBoards kutomfukuza kazi mfanyakazi huyo kutokana na
ulemavu wake.
Alieleza kuwa alimwambia
Jane Nziku kuwa wakati akiendela na matibabu na baada ya kupona aendelee kwenda
kazini na nikamwamuru pia mkrugenzi asimfukuze kazi kwa sababu ya ulemavu huo.
“Baada ya maagizo haya ya
pande zote mbili hadi sasa J. Nziku hajafika kazini na nilipozungumza naye kwa
simu kuwa kwa nini haendi kazini alinijibu kuwa anasubiri mkurugenzi wake
(D.Singh) ampigie simu kumtaka aende kazini,” alisema afisa wa kazi huyo.
Aliongeza kuwa si kweli kuwa
mwajiri amemfukuza kazi. Hata hivyo kisheria kama amefukuzwa kazi na mwajiri, anatakiwa amufahamishe mteja wake huyu apeleke
shauri lake hilo kwenye baraza la usuruhisho (CMA) wakati taarifa za kisheria
zinachukuliwa kutekeleza malipo ya fidia ya kuumia kazini.
Naye, Mkurugenzi wa
Kiwanda hicho cha Fibre Boards, Darshan Singh alikiri kutomlipa fidia na
kukanusha kwamba hajamfukuza kazi mfanyakazi huyo na kukiri kwamba mpaka sasa
kiwanda hicho hakijamlipa fidia ya kuumia kazini.
“Ndio Jane Nziku alikuwa
mfanyakazi wetu hapa kiwandani na madai yake ya malipo yamepelekwa fibre boards
makao makuu Arusha,” alisema.
Hata hivyo, mkurugenzi huyo
amekanusha kuwepo kwa madai kwamba kampuni yake imemfukuza kazi mfanyakazi
huyo.
“Sisi kama kampuni
tulisimamia matibabu yake yote na na tunaendelea kumhudumia na tunasubiri
maamuzi ya kulipa fidia kutoka mamlaka husika,” alisema Singh.
Comments